مصراوي للإلكترونيات وخدمات الصيانة
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
مصراوي للإلكترونيات وخدمات الصيانة

lcd,tv,رسيفر,تليفزيون,شاشه,كمبيوتر,سوفت,برامج,بلازما.توشيبا,شحن فلاشه,

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

مصراوي للإلكترونيات وخدمات الصيانة » المكتبة الإلكترونية »    مكتبــــــــة مصراوي للإلكترونيات » دروس المستوى الاول للغه الانجليزيه

دروس المستوى الاول للغه الانجليزيه

+2
م/حسن المصري
اميره
6 مشترك

انتقل الى الصفحة : 1, 2  الصفحة التالية

اذهب الى الأسفل  رسالة [صفحة 1 من اصل 2]

اميره

اميره
عضو ذهبي


البسملة
اهلا وسهلا اعضاء المنتدى كم نشكركم لما قدمتوه للمنتدى وجهدكم الكبير وكم اشكركم لدعمكم لى للمواصله لمزيد
المهم نخش فى الموضوع حتى لا اطيل عليكم فكرت بعد ان انهينا قواعد النحو ماذا لو اخذنا ايضا دروس للغه الانجليزيه واحده واحده نبدأ مثلا من المستوى الاول حتى نرتقى انا وانتم لان كما تعرفون كم اصبحت اللغه الانجليزيه مهمه جدا الان سواء ثقافه سياسه او حتى دعوه او للتعرف ففكرت وبحثت والحمد لله لقيت المواقع التى تساعدنى والمنتديات فقررت ان انقل منها ولو حبيت اضيف (وطبعا ده صعب شويه هههههه) ان شاء الله اضيف فما رايكم
لكن لى طلب اخيرا ان تثبتوا لى لموضوع لانه سياخذ ان شاء الله مننا وقت ممكن وهذا للافائده فقط
اعضاء لمنتدى مستعدين ............ انطلاق
جملتنا العربيه بتتكون من فعل فاعل ومفعول به
وفي النصوص البلاغيه يستحسن بناء الجمله بنفس الترتيب ده
يعني في التعبير كانوا يقولولنا الجمله الأقوى هي التي تبدأ بفعل مضارع
نيجي بقىللجمله الانجليزيه
فبتتكون من
فاعل ، فعل : و مفعول به
طبعا زي مافيه جمل عربي ليها ترتيب يشذ عن القاعده فأكيد فيه جمل انجليزي بتشذ برضه عن القاعده لأن لكل قاعده شواذ
English is a Subject-Verb-Object (SVO) language - meaning that sentences are made with the subject first, then the verb, and finally the object
subject=فاعل
verb=فعل
object =مفعول به

نبدأ نتكلم عن الفاعل
الفاعل ده ممكن يكون اسم انسان أو جماد أو حيوان
وممكن يكون ضمير وطبعا وظيفته بيوضح من قام بعمل الفعل
مادام جبنا سيرة الضمير تعالوا نراجع الضمائر مراجعه سريعه" طبعا بتكلم عن ضمير الفاعل "



Singularالمفرد ......................> Pleuralالجمع


Iانا ..........................> Weنحن

Youأنت ...................... > Youأنتم
Heهو .....................> Theyهم
Sheهي ....................>Theyهم
Itهو أو هي لغير العاقل ............>Theyهم




اتكلمنا عن ضمائر الفاعل أو personal pronoun
ومادام جبنا سيرتهم لازم نعرف بعض أحكامهم
الأحكام بتتلخص في حاجتين أحكامهم مع الأفعال المساعده
وأحكامهم مع الأفعال العاديه
وده اللي هناخده المره الجايه باذن الله مع بعض الحاجات التانيه
ابقوا معنا

م/حسن المصري

م/حسن المصري
المدير العام


البسملة

تم التثبيت لتعم الافادة وشكرا علي أفكارك الجديدة والمفيدة والمتميزة وننتظر كل جديد منك دائما نتمني لك جميعا كل خير :شكر وتقدير: :مع التحيه:

https://eioe.forum.st

اميره

اميره
عضو ذهبي


جزاكم كللللللللللللل الخير للتثبيت وبتوفيق الله ثم تشجيعكم لى هو الذى حفزنى لعمل المزيد ويارب يكون العمل خالصا لوجهه الله وان يتقبل الله منى ومنكم ونكون عند حسن ظنكم

ولاخونا العمده ان شاء الله خطوه خطوه وسنتعلم بكل اعضاء المنتدى وان شاء الله سيكون سهل لى ولكم نستكمل ولثانى مره جاهزين ......... هيا

السلام عليكم
هكمل جزئيه مهمه وهي جزئية الأمثله
هناخد بعض الأمثله على أبسط الجمل في اللغه الانجليزيه

The kid drinks water
2-Soha got a bike
3-He bought a shirt



هنلاقي في الأمثله السابقه الفاعل باللون التركواز
الفعل باللون الفوشيا
المفعول به باللون البرتقالي
دي طبعا أمثله للأفعال ويمكن انا كنت مأجله الأمثله لحد ماناخد على الأقل الزمن المضارع كقاعده
لكن في وجهة نظر أرجح بترجح انهم يتاخدوا كتوضيح دلوقتي ازاي الضمير ممكن يكون اسم "طفل The kid"
أو اسم بنت "Soha"
أو ضمير "He"
ممكن كمان أمثله على غير العاقل

Examples
1-The cat drinks milk
2-It brings her children inside



هنلاحظ في ترتيب لجمل الترتيب البسيط للجمله الانجليزيه
لأنها بتتناول زمن بسيط
يعني ايه زمن بسيط ده اللي هنعرفه لما ناخد الأزمان البسيطه

د/اشرف

د/اشرف
نائب المدير العام


شكرا لك

اميره

اميره
عضو ذهبي


البسملة
اتكلمنا وقلنا ان في في اللغه الانجليزيه جمل بسيطه يعني بتتكون من فاعل وفعل ومفعول به
وقلنا من البساطه برضه الجمل اللي بيكون فيها الفعل في الزمن البسيط
يعني ايه زمن بسيط ؟
يعني الفعل لوحده من غير أفعال مساعده
نمشي واحده واحده
زمن بسيط يعني مضارع بسيطpresent simple tense أو ماضي بسيط past simple tense
يعني باختصار الفعل سواءا في صورته في زمن المضارع أو في صورته في زمن الماضي يعني من غير فعل مساعد
ايه؟
فعل مساعد
يعني قبل ماناخد أمثله على الأزمنه دي ونشرحها بالتفصيل لازم نعرف الفعل المساعد عباره عن ايه عشان مانتلخبطش
الزمن البسيط لو اتواجد فيه الفعل المساعد يتواجد لوحده بديل للفعل الأساسي
نعرف الأول ايه هي الأفعال المساعده وايه هي وظيفتها لو ماجتش كفعل أساسي
الفعل المساعد من اسمه هو فعل الأساس في عمله انه بيساعد الفعل الأصلي في الجمله على اظهار شئ معين
نوضح أكتر بالأمثله؟؟؟؟؟؟
تعالوا ناخد مثال
في جمله مثلا ">He is astudent
في الجمله دي عندنا فعل مساعد قام مكان الفعل الأساسي

لكن لو زودنا فعل تاني هيدل على زمن تاني أو حاله تانيه
نعرف الأول أنواع الفعل المساعد وبعدين في الدروس القادمه باذن الله ناخد كل فعل بالتفصيل
verb to beفعل يكون
verb to have فعل يمتلك
verb to do فعل يفعل
">- :فعل يكون 1verb to be
am -is -are
نشوفهم كده كل واحد مع الضمير بتاعه
">singular ..............................>pleural
I am .......................> We are
He is ....................>They are
She is .......................>They are
It is .....................> They are
">Examples:
I am a student
He is a teacher
She is a doctor
It is acat
هنلاقي ان الفعل المساعد هنا لما استخدم كبديل للفع الأساسي ففي الحاله دي للتعبير عن وصف للشئ أو لوظيفه أو لتصنيف وممكن لحاله
">Example:
أنا مريضI am ill
الجو بارد الآن Weather is cold now
أنت كذاب You are a lior


ده شرح مبسط لعمل أول نوع من الأفعال المساعده كفعل أساسي في الجمل في زمن المضارع البسيط

خالد المصري

خالد المصري
عضو نفتخر به


اللهم تقبل منا
جزاك الله كل ال
:شكر وتقدير:

https://eioe.forum.st

الاميرة السعيدة

الاميرة السعيدة
عضو نفتخر به


The cat drinks milk
بردك قطة تشرب اللبن
لو تسمحى لى
ممكن اضيف بعض الاشياء
لانى كنت مدرسة قديمة
بس
لن اتدخل الا بامر منك اختى فى الله

اميره

اميره
عضو ذهبي


اه طبعا ارحب بالافاده

اميره

اميره
عضو ذهبي


اتكلمنا ببساطه عن الأفعال المساعده Helping verbدروس المستوى الاول للغه الانجليزيه Friends
قلنا ان في عندنا تلات أنواع من الأفعال المساعده
Verb to be فعل يكون
verb to do فعل يفعل
فعل يمتلكverb to have
بدأنا بverb to be
وشرحنا أمثله عليه ومهم جدا ناخد بالنا كل فعل منهم بييجي مع ايه من الضمائر أوالاسماء
نيجي بقى للي بعده وهو verb to do

verb to do فعل يفعل
يعني ايه فعل يفعل ؟
هو فعل غالبا مساعد ويستخدم اما في صيغة الاستفهام أو للنفي
ونادرا ما يأتي كفعل أساسي بمعني يعمل
حد فاهم حاجه؟؟؟؟؟؟؟؟
نوضح أكتر بالأمثله بعد مانقول الأفعال "فعلين"
singluar"Does"...................> pleural "Do""
دول بس فعل يفعل دروس المستوى الاول للغه الانجليزيه Vava
كل ده احنا بنتكلم عن الفعل المساعد في زمن المضارع لأننا لسه ماتكلمناش عن باقي الأزمان
ندخل عالأمثله بقى دروس المستوى الاول للغه الانجليزيه Yess
Examples
*He usually does his work late "غالبا مايقوم بعمله متأخرا "
*I do my work usually early أنا بعمل شغلي بدري غالبا

في الجمل اللي فاتت دور فعل يفعل verb to do كفعل أساسي في الجمله
ناخد أمثله على دورها في الحالتين التانيين
?*Do you drink milk?
*does she play vollyball?

المثالين السابقين بيوضحوا دور الفعل المساعد في الاستفهام
ماينفعش نقول plays she football لأن الفعل في الاستفهام لازم يكون في صورة المصدر يعني مش متضافله أي حاجه وهنعرف يعني ايه الاضافه دي
she doesn't like milk
I don't believe you

دي أمثله على استخداماتها في حالات النفي
وهنلاحظ في الأربع أمثله اللي فاتوا ان الفعل الأساسي موجود باللون الفوشيا


بالنسبه لكل ضمير بياخد أي فعل فيهم ودي اللخبطه
هما قريبين من قاعدة فعل يكون نحفظ الضماير في مجموعه لوحدها "He,She, It,اسم ولد أواسم بنت أو أي شئ أو حيوان غير عاقل "
دي مجموعه أخدت is
نفس المجموعه دي بتاخد نفس الأحكام في معظم القواعد
He, She,It....................>Does
I ,You,We, They..............> Do

ده كل فعل مع الضمائر بتاعته

الاميرة السعيدة

الاميرة السعيدة
عضو نفتخر به



Part of speech أقسام الكلام

Noun اسم: هو ما يدل على اسم

مثل: Ahmad أحمد،Book كتاب

Pronoun ضمير: هو ما يدل على اسم أو يحل محله

مثل: I, he, she, it , you, they, we

Verb فعل : هو ما يدل على حدوث شيء في وقت ما

مثل: Play يلعب ، Played لعب، Will play سوف يلعب

Adjectiveصفة: هو عبارة عن كلمة تصف الاسم وتكون قبله

مثل: rich man رجل غني

لاحظ أن الصفة هنا سبقت الاسم الموصوف بعكس اللغة العربية التي تكون فيها الصفة بعد الاسم الموصوف

Adverbحال: هو عبارة عن كلمة تصف الفعل أو تزيد الصفة وضوحاً

مثل: Ahmed writes quickly. أحمد يكتب بسرعة

Preposition حرف الجر: هو كلمة تأتي مع الاسم أو الضمير لتبين علاقته بكلمة أخرى

مثل: Ahmed goes to school أحمد يذهب إلى المدرسة

They traveled by plane هم سافروا بالطائرة


Conjunctionحرف العطف: هو كلمة تصل ما بين كلمة و كلمة أو جملة وجملة .

مثل: Ali and Ahmad visited us yesterday.علي و أحمد زارونا أمس

Interjection حرف تعجب: هو عبارة عن أصوات أو صيحات تعبر عن التعجب

مثل: Alas! She died. يا للأسف ! لقد ماتت.

Articleأداة: هناك ثلاث أدوات في اللغة الانجليزية a, an, the

تستخدم : a قبل الاسم النكرة الذي يبدأ بحرف ساكن.

مثل: This is a book.هذا كتاب.

تستخدم an قبل الاسم النكرة الذي يبدأ بحرف متحرك.

مثل: This is an apple هذه تفاحة

تستخدم The للتعريف.

مثل: This is the book I bought yesterday هذا هو الكتاب الذي اشتريته أمس.


اميره

اميره
عضو ذهبي


وصلنا لتاني نوع في الأفعال المساعدة وهو verb to do
نكمل كلامنا عن الأفعال المساعدة تالت نوع من الأفعال المساعدة هو verb to have
فعل يمتلك verb to have الفعل ده بمعنى يمتلك لكن ليه أكتر من وظيفة أولا كفعل مساعد بيساعد الفعل الأساسي على توضيح زمن بعينه يعني بنلاقيه مع الفعل التصريف التالت للفعل بيحول لزمن المضارع التام يعني حاجه لسه حاصله حالا أو الماضي بتاع الفعل ده مع التصريف التالت للفعل الأساسي بيحوله لزمن الماضي التام يعني حاجه كانت لسه حاصله وقت ما المتكلم تحدث في الماضي مش وقت اننا نتكلم عن الأزمان دلوقتي خلينا في veb to have الفعل ده بييجي بمعنى يمتلك أو يأخذ ناخد أمثله عليه؟؟؟؟؟؟دروس المستوى الاول للغه الانجليزيه Thnk0001 طب استنوا الأول نعرف ايه الفعلين دروس المستوى الاول للغه الانجليزيه Vava وبعدين ناخد أمثله Singular مفرد ................................... pleural < جمع Has ................................................<.Have Has بتييجي مع المفرد سواء ضمير و اسم يعني مع الضماير اللي اتعودنا عليها مع بعض "He , She ,It" وHave بتيجي مع باقي الضمائر I,We, You , They أو أي اسم في صغة الجمع ناخد بقى الأمثله

Examples:

1-He has cold flue. عنده أنفلونزا "أو برد"

2- I have my break fast in work " بتناول فطوري في الشغل "

3- They have a game now عندهم مباراه الآن

4- You have a date after fve minutes عندك موعد بعد خمس دقائق

ممكن verb to have يقوم بدور داة الاستفهام خصوصا في حالة زمن المضارع التام أو الماضي التام والأمثله على الحاله دي هنشرحها في زمن المضارع التام والماضي التام بالتفصيل باذن الله
الأمثله اللي فاتت بتوضح استخدامات verb to have باختصار

اميره

اميره
عضو ذهبي


اللهم تقبل منا
مجموعة كلامات للحفظ
Kid – طفل ,, King - ملك ,, ketchup كاتشاب - kind لطيف Drink – شرب ,, ه ,, Do – يفعل ,,,, Doctor – دكتور ,,, Date - موعدdistance مسافة - date موعد - disc قرص - dig يحفر - discoverيكتشف - dictionary قاموس - diet نظام غذائي -difficult صعب - dream حلم أو يحلم door باب - dock يختصر او يلخص Water – ماء ,, Wife – زوجة ,, Work - عمل weather الجو - wonderful رائع - wood خشب - walk يمشي Bought –اشترى ,, Brother – أخ ,, Buy – يشتري ,,,, Bring – يجلب ,,,, - Believeيصدق ,,, Break fast - فطور believe يصدق - bracelet عقد - blame يلومbike دراجه - book كتاب - boxing يصفع او يلاكم play يلعب - probably ربما - poetry شعر Shirt – قميص ,, Sara- سارة ,, See – يرى ,,,, Student – طالب swim يسبح - silk حرير Milk – حليب ,, Manager – مدير ,, Make – صنع ,,, Minutes - دقائق mother ام- move يتحرك او ينتقل ">Children – أطفال ,, Cat – قطة ,, Cook – يطبخ ,,, Cold - بارد"> cake كعك -">lair كذاب -lamp لمبه - look ينظر Inside – داخل ,, Ill – مريض ,, Ice – ثلج ,, Intone – يرتل - image صوره - imprint يطبع او يختم Teacher – معلم ,, Teeth – أسنان,, Take - يأخذ teacher معلمة - travel يسافر - tomb قبر - tusks انياب Usually- غالباً ,, - Useيستخدم ,, USA – الولايات المتحدة الأمريكية- unit وحده - Late – تأخر ,, live – سكن ,, Life - حياة - laugh يضحك - light خفيف او ضوء Early – بدري ,, Eat – يأكل ,, Egypt - مصر - expensive غالي - enjoy يستمتع - eyes عيون - eat يأكل Game – مباراة ,,, Go – يذهب ,,, Getup - يستيقظgame لعبه - galaxy مجره - flue انفلونزا - foot قدم - flock يتجمع
تقدروا تحفظوا الكلمات دي بمنتهى السهوله ان شاء الله

اميره

اميره
عضو ذهبي


:albino:
الأفعال الناقصة Auxiliary verbs
في عندنا هنا بقى مجموعة من الأفعال المحترمه
أه محترمه
زي مافي قوانين بتحدد تصرفات البني آدمين فيه كمان أفعال بتحدد تصرفات الأفعال التانيه
نوضح بقى الأفعال دي ايه
ملحوظه صغنونه
فرق كمان بين الفعل المساعد والفعل الناقص
الفعل الناقص فعل قوي جدا غير الفعل المساعد يعني الفعل المساعد يقدر ييجي الفعل بعده في أي تصريف سواء ماضي أو مضارع او مستمر و تصريف تالت
ما في حالتنا هنا بقى الفعل الناقص لااااااااازم الفعل بعده ييجي في صورة المصدر
ايه صورة المصدر دي؟
مؤقتا نعرف انه مش مضاف ليه أي حاجه يعني في صورته الخام وبعدين باذن الله هنعرف ايه صورة المصدر دي في الوحده الجايه
أول فعل نعرفه من الأفعال الناقصه هو can فعل يكون أو فعل الكينونه
Can
يعني ايه
الفعل ده يحددلي الفاعل يقدر يعمل الفعل الأساسي و مايقدرش يعمله
نوضح بالمثال أحسن
1- I can hear your voice now أنا قادر أسمع صوتك الآن
2- you cannot bear this pain أنت ماتقدرش تتحمل الألم ده
كده الصوره وضحت بالنسبه لفعل can ?دروس المستوى الاول للغه الانجليزيه Thnk0001
ناخد فاصل ونواصل باقي الأفعال الناقصه باذن الله

اميره

اميره
عضو ذهبي


اللهم صل علي مح
نكمل كلامنا النهارده عن الأفعال الناقصه modal verbs
الأفعال الناقصه شرحنا وظيفتها وشكلها عموما بالتفصيل امبارح
لكن ما قلناش منها غير أول فعل وهو verb can
ياترى في أفعال ناقصه زي ايه تاني؟؟؟؟؟
قبل مانتكلم عن الفعل الناقص أحب ألفت نظركم ان التصريف الوحيد للفعل الناقص هو الزمن الماضي وبيقوي معناه مش بيضعفه
هشرح كل فعل منهم بمعناه وكلهم بتنطبق عليهم نفس القاعده العامه للفعل الناقص
1-mustلازم أو لابد
2- can يستطيع
3-may ربما
4-shall ينبغي
5- have to = must لازم أو لابد

واحده واحده بالأمثله هنفهم ان شاء الله
examples
- You must pay my money back لاااازم ترجعلي فلوسي
معنى كده ان لو مارجعتش الفلوس هيقع عليك عقاب
- I may go to luxor this winter احتمال أو ربما أروح الأقصر الشتا ده
يعني يا أه يا لأ
- You shall advise her not to swim so far ينبغي عليك انك تنصحها ماتعومش بعيد
يعني هو المفروض انك تنصحها انما انت حر تنصحهاأو ماتنصحهاش " بالعربي حاجه مفروض تتعمل بس انت وضميرك"
- You have to be present in the exam
انت لاااااااااازم تكون موجو في الامتحان بكره
لوماجتش هترسب



حاجه مهمه اننا نذكرها في الأفعال الناقصه وهي حالات النفي
مش كلهم نفيهم زي بعض
يعني مثلا

- you ( mustn't ) must not break any of these staffsانت ممنوع تكسر أيا من الأغارض دي
يعني ممنوعه برضه لو كسرتها هتنال عقاب
- you shan't ( shall not ) go to work to morrow
مش لازم تروح الشغل كره
يعني انت ممكن تروح وممكن ماتروحش
- he mayn't come tomorrow احتمال مايجيش بكره
ناخد بالناأوي من لمثال الجاي
- you don't have to pay for her انت مش لازم تدفعلها يعني مش مجبر تدفعلها
خدتم بالكم الفرق بين have to و must في حالة النفي
تغيير جذري
have to لما اتنفت قربت في المعنى من shall المنفيه وبعدت عن must اللي اتقلبت من الضروره للتحريم

قاعدة الأفعال الناقصه ايه بقى؟؟؟؟؟؟؟؟؟
الفعل الناقص هو فعل يساعد في توضيح حالة الفعل الأساسي لكنه ناقص لعدة أسباب أهمها أنه لا يصرف الا في صيغة الماضي البسيط ثانيها أنه لا يمكن أن يحل محل الفعل الأساسي
ثالثا لا يمكن أن يضاف اليه حرف sالمفرد
وظيفة الفعل الناقص وصف الفعل الأساسي في الحاله من الضروره الى الأفضليه الى الامكانيه أو الاحتمال و القدره
بكده خلصنا الافعال الناقصه أو modal verbs

اميره

اميره
عضو ذهبي



:دعاء:

مراجعة الأفعال الناقصه



السلام عليكم



أخواتي الحبيبات واخواني الأعزاء



شرحنا الأسابيع الماضيه الأفعال الناقصه



قلت انها افعال ناقصه اتسمت كده لسببين أولا لأنها ماتقدرش تكون جمله مفيده من غير ما يكون معاها فعل أساسي في الجمله على عكس الأفعال المساعده اللي ممكن جدا انهم ييجوا في الجمله كفعل أساسي ويدوا معنى مفهوم



الفعل الناقص بقى ماينفعش ييجي لوحده لسبب بسيط انهم معظمهم بييجي بهدف الترغيب في فعل شئ أو النهي عنه أو التحذير أو تبيين وجوب عمل شئ معين



فماينفعش حتى في اللغه العربيه نقول انت لازم اللبن



لا احنا نقول انت لازم تشرب اللبن



وهكذا باقي الأفعال الناقصه



تاني سبب لتسميتها بالأفعال الناقصه انها مش بتتعامل زي باقي الأفعال " الطبيعيه العاديه " من ناحية النفي ومن ناحية التصريفات



أوضحلكم ازاي



يعني احنا لو عندنا فعل عادي هننفيه فهنستخدم فعل مساعد لنفيه زي ماهنشوف في شرح الزمن المضارع البسيط والأزمان كلها ونفيها أما الفعل الناقص فبننفيه هو ذات نفسه مش بنستعين بفعل مساعد منفي بدل منه



وفي نفس الوقت فعلى عكس باقي الأفعال اللي في منها ماضي بسيط وماضي تام وماضي مستمر ومضارع بسيط ومضارع تام ومضارع مستمر



فالفعل الناقص بيتصرف بس في صورتين المضارع البسيط والمضارع المستمر



دي كانت أسباب تسمية الأفعال الناقصه بالاسم ده



باقي بقى نعرف إيه هما وايه هي احكامهم



قلت ان الفعل الناقص ده بالرغم من اسمه الا انه فعل جامد بيخلي الفعل معاه ييجي مظبوط



يعني بيجيب الفعل بعده في الصوره الطبيعيه بتاعته يعني في الصوره الخام اللي بتسمى المصدر اللي هي زمن المضارع البسيط من غير تمييز



يعني مثلا لو عاوز اقول لحد انت لازم تبقى شاطر فهقوله



You must be clever



أيا كان الحد ده هنلاحظ ان الزمن جه في المصدر بتاع فعل يكون be حتى لو بتكلم عن مفرد فهقول



She must be clever



He must be clever



It must be clever



شايفين عمل إيه في الفعل ؟؟؟؟؟؟



وحد صورة الفعل وساوى بين الضمائر والأسماء كلها والمفرد والجمع في الفعل



كده عرفنا هو بيعمل ايه في الفعل اللي بييجي معاه



باقي نعرف إيه هي الأفعال الناقصه دي ومعنى كل فعل إيه



الأفعال دي هي



Must معناها لابد او بالعاميه يعني لازم بمعنى ان لو ماتعملش الفعل اللي بعدها هيقع ضرر على اللي ماعملهوش



You must pay for him انت لازم تدفعله يعني لو مادفعتلهوش هيقع عليك اذى اما انه هيسجنك او هيضربك او او



تاني فعل هو can بمعنى يستطيع ممكن ان احنا نستخدم الفعل ده للتعبير عن السماح بشئ معين او التعبير عن القدره على شئ معين



يعني إيه ؟؟؟؟



هشرح مثالين يبينوا



You can sleep here just tonight معناها انتتقدر تنام هنا الليله دي بس



بمعنى اني بسمحلك بالنوم هنا الليله دي



I can swim well أنا بقدر اعوم كويس



يعني بعبر عن قدره معينه



وهكذا ممكن نستخدمها في الاستخدامين دول على حسب الجمله اللي انا حاططها فيها



تالت فعل هو فعل shall الفعل ده شبه فعل must لكنه أخف منه في الحده



بمعنى ينبغي نفهم بالمثال أكتر



لو قلت you shall help her ده لو بتكلم عن مساعدة حد غريب فهقول انت المفروض انك تساعدها معنى ده ان الواجب بيحتم عليا فعل الشئ ده لكن مافيش عقاب هيقع عليا لو ماعملتش كده



يعني انا بقول لحد انت المفروض تعمل كذا واسيبه لضميره



رابع فعل كان فعل will بمعنى سوف يعني انا هعمل كده بكره " معلش هما ماعندهمش ان شاء الله "



يعني انا ان شاء الله هعمل كذا بكره



I 'll go for the beach next week بمعنى انا هروح الشاطئ الاسبوع القادم " عندنا احنا ان شاء الله "



مالهاش أي معنى محور



خامس فعل من الافعال الناقصه فعل may بمعنى ربما او يمكن



وساعات بييجي بمعنى التمنى



نقول امثله احسن برضه



I may come tomorrow انا يمكن آجي بكره " بمعنى احتمالية حدوث الفعل او عدم حدوثه "



May exam come easy ياريت الامتحان ييجي سهل



فاضل كده فعل مشتق من verb to have وهو have to …..



Have to = must بتفيد ضرورة فعل الفعل الليبعدها ولو ماتعملش هيقع ضرر



يعني must و have to لما ييجوا قبل فعل يبقى كأنهم امر بالفعل ده ولوماتعملش الفعل اللي وراهم هيقع ضرر او عقاب





فاضل كده حاجه ا وهي نفي الفعل الناقص



هنسيب must و have to للآخر



Will……..willn't بس ماتتكتبش كده لان الكتابه دي غلط تتكتب won't



May ………mayn't



Shall…….shalln't لكنها قليلة الاستخدام غير في اللغه القديمه جدا في المراجع هنعرف ليه بعدين ان شاء الله " ملحوظه هنا النفي معناه ينبغي ألا تفعل كذا........... "



Can ………can't " cannot "



فاضل بقى must و have to



الفرق بينهم بقى في حالة النفي ان



Must ………mustn't النفي معناه ممنوع



مثال" ممنوع التدخين هنا" you mustn't smoke here



بمعنى انك لو دخنت هتقع تحت طائلة القانون أو هتعاقب من قبل الناهي عنفعل الشئ يعني انتلازم ماتعملش الحاجه دي



فعل have to زي ماقلنا هو زائد على الأفعال الناقصه ولأنه فيالأصل مشتق من الأفعالالمساعده فماينفعش ننفيه هو بنستخدم فعل يفعل كفعل مساعد للنفي



You don't have to give him tips انت مش لازم تديله بقشيش



هنلاقي الاختلاف في النفي هنا انها على عكس must اللي اتحولت لتحريم الفعل



بعد نفيها اتحولت لمجرد الترغيب في عدم فعل الشئ يعني بقول لحد انتمش مضطر تعمل كذا


اترككم في رعاية الله وأمنه

و إلى القاء في الدرس الجديد باذن الله

الاميرة السعيدة

الاميرة السعيدة
عضو نفتخر به



حلو اوى ان الواحد يرجع تانى تلميذ
بس
بجد جزاكى الله خيرا
وبارك الله فيك

اميره

اميره
عضو ذهبي


شكر لمرورك
السلام عليكم
هتكلم النهارده عن قاعده خفيفه وهي المفرد والجمع في الأسماء
singular & pleural
اللغه الانجليزيه طبعا لغه جميله وسهله زي ماكلكم عارفين
مافيهاش مثنى
فيها مفرد وجمع بس
خلصينا ياستي انتي هتشلينا بقى؟؟؟؟؟
دروس المستوى الاول للغه الانجليزيه Snoozer_05 ملحوظه بعض المعلومات دي بقولها لأن فيه أمهات بتاخد الكورسات دي وتشرحها لأبنائها في ابتدائي فلازم وضحها
أسفه عالأطاله عليكم بخصوصها
نيجي بقى للمهم
في كلمات مفرد بتجمع بمجرد اضافة حرف ليها وهوحرف ">s
وفي كلمات شاذه الجمع بتاعها بيحفظ والسبب في كدهانهاكلمات مشتركه بين أكثر من لغه وجمعها في كل اللغات قريب من بعضه
ناخد مثله عالجمع بقى ......ولا أقولكم استنوا شويه
المفرد
نتكلم عن المفرد
المفرد ليه أدوات عشان لازم تتحط قبله أو حروف
الحروف دي يا اما حروف تنكير لوكان المفرد ده نكره ">a, ">an



وحرف تعريف لو كان شئ معروف
">the زي الشمس والقمر مثلا أو بعض الحاجات اللي هنوضحها تحت

مش فاهمين طبعا
أنا بكلم الناس الصغننين برضه
أداة المفرد النكره يعني بتكلم عن مجرد حاجه
طيب ايه الفرق بين ">aو ">an ?



الاتنين ليهم نفس الوظيفه وهي توضيح ان الاسم بعدهم مفرد ونكره ماحدش يعرفه
الفرق امتى نحط"> a ,و امتى نحط ">an ?
نحط"> aفي كل الأسماء ماعدا الأسماء اللي بتبدأ بحرف من الحروف المتحركه ( ">A,O,U,I,E )
أو بمعنى آخر بنحط ">an قبل الأسم اللي بيبدأ بحرف متحرك
ناخد أمثله ونطبق عليها الحروف دي ونشوف بتتجمع ازاي


Examples:



* Apple تفاحه......جمعها..... Apple">s........لما نحب نقول تفاحايه واحده نقول ">An apple معنى كده اننا بتكلم عن مجرد تفاحه
*Door باب .....جمعه Door">s......لما نحب نقول باب واحد نقول ">A door



يعني بنتكلم عن مجرد باب عادي
طيب لو قلنا ">The door يبقى بقول الباب يعني بقصد باب معين
طيب لو قلنا ">the apple يبقبتكلم عن التفاح عموما كفاكهه معروفه
نيجي بقى لأمثله على الجمع الشاذ
wom">an ( singularمفرد)........> wom">en ( pleuralجمع)
m">an...........>m">en
child.......> child">ren
نيجي بقى على أسماء بنتصرف تصرفات مخصوصه واحنابنجمعها باضافةs
.زي الأسماء اللي بتنتهي ب حرف ">y بنحول ال ">y الى ">ies ( اذا سبقها حرف ساكن ) للتحويل لصيغة الجمع
Boy - Boys
Lady - Ladies
بعض السماءبتنتهي بحروف قريبه في النطق من حرف ال ">s .زي ">z, x ,ch, c
بنضيف ">es للتحويل لصيغة الجمع

.....مش متذكره حاليا مثال على اضافة es لكن باذن الله أول ماأفتكر هضيفه على طول





ملحوظه :
بعض الأسماء مش بتتجمع
ليييييه؟؟؟؟؟؟؟؟؟؟
لأنها في حد ذاتها جمع ومفرد في آن واحد أو لأن جمعها يحولها لمعنى آخر


money لا تجمع لأنها أصلا عباره عن نقود يعني الاسم في حد ذاته مفرد وجمع في آن واحد
milkلا تجمع لأنها سائل وجمعها يدل على تنوع أصناف
cloth قماش ......لو جمعت clothes فمعناها تحول الى ملابس وليس قماش
glass زجاج ...... لو جمعت ل glasses تحول معناهالنظارات
desertصحراء ..... لو جمعت ل deserts تحول المعنى لحلوى مابعد الطعام أو التحليه
وهحاول أجمعلكم كل أسبوع كام كلمه منهم باذن الله
أشوفكم على خير مع درس جديد
السلام عليكم
أستودعكم الله اللذي لا تضيع ودائعه

الاميرة السعيدة

الاميرة السعيدة
عضو نفتخر به



جميل الدرس انهارده ومفيد

اميره

اميره
عضو ذهبي


الف شكر
السلام عليكم ازيكم تصدقوا وحشتوني من امبارح المهم نريح شويه في درس خفيف كده قبل ما ندخل في الأزمان نتكلم عن الضمائرضمائر ايه بس 000:أنا بوجه كلامي للي بيتلخبط فيهم أو اللي لسه ماتعلمهمش اصلا ماحنا بنكلم الرأي والرأي الآخرطبع أما أقول ضمائر ييجي في بالنا , They , we ,he , she , it , you , Iشفتوا بقى انكم فاهمين غلط مش معنى اني أقول ضمائر يبقى دي بس يعني ايه ؟؟ انتي هتخترعيلنا ضماير زياده ولا ايه بالراحه كده عشان بس تعرفوا ان فيه فتافيت الواحد بينساها الضمائر اللي قلناها دي ليها اسمين ضمائر الفاعل أو ضمائر الاشاره يعني ايه ؟يعني لما اجي أخليه هو مفعول به ماينفعش أقول هو معناها هنا he لكن ياترى معناها ايه؟؟؟؟؟؟؟؟؟؟الأول كده نقول كلمتين عن الضماير اللي احنا عارفينها كلنا وهي ضمير الفاعل ضمائر الفاعل بتيجي لما الضمير يكون هو الفاعل أو بمعنى تاني للناس اللي بتحسس على ترتيب الجمل لماالضمير ييجي في أول الجمله أو يكون هو اول ضمير في الجمله أو أول ضمير في السؤال ايه هي بقى الضمائر دي عشان ناخد أمثله عليها ؟؟؟؟؟؟؟؟؟؟HeSheItTheyWeYouكل دي ضمائر فاعل يعني ماينفعش احطهامكان ضمائر المفعول أو ضمائر الملكيه أمثل سهله وبسيطه؟؟؟؟؟؟؟؟؟ناخد أمثله
* I bring potatoHe gets perfect marks Does she play tennis?????Will they come to Europe???? طيب ناخد بقى باقي الضمائر ضمائر المفعول به يعني ايه؟

يعني ضمير وقع عليه الفعل الله ماهما نفس الضمائر ياست لا مش هما طبعا حتى بصوا معايا كدهHimهو herهي them هم us احنا you هو او همشفتوا ازاي بقى؟ناخد طيب أمثله على تطبيقهم؟examples:I give him a gift أنا اعطيته هديه My mother prepared me a cake أمي حضرت ليا كيك " كعكه"Theفهمتوا حاجه؟؟؟؟؟؟؟؟؟نراجع بقى الضماير اللي مافيهاش لخبطه وهي ضمائر الملكيه ضمائر الملكيه

يعني الشخص اللي الشئ ده بتاعه او ملكه
يعني ايه ؟؟؟؟
نقولهم الاول وبعدين ناخد امثله
his ملكه
herملكهااو hers
my او mine
theirs او their
ourاو ours
واحده واحده علينا ايه ال sاللي في الآخر دي ؟؟؟ هي الضمائر بتتجمع؟؟؟؟؟؟؟؟؟
دروس المستوى الاول للغه الانجليزيه Snoozer_05دي مشs الجمع
دي s بتتضاف لضمير الملكيه لو جه في آخر الجمله خالص مابعجهوش حاجه نوضح ازاي
لو قلنا this is my book ده كتابي
لكن لو خلينا الضمير في الآخر في نفس الجمله
this book is mine
شفتوا الفرق بين الاستعمالين؟
ناخد امثله تانيه ؟؟؟؟؟؟؟؟؟
that's our school.........>that school is ours
here is her bag............>this bag is hers
فهمتم طريقة الاستعمال ازاي؟
بكده درس النهارده خلص
الدرس الجاي باذن الله عن طريقت تكوين السؤال وصيغة الاستفهام
الواجب مراجعة الأفعال المساعده والناقصه كلهاااااااااالأنناهنحتاجها المرادي
أسيبكم في رعاية الله

الاميرة السعيدة

الاميرة السعيدة
عضو نفتخر به



ميس يا ميس
ممكن لو سمحتى بالراحة وتعملى مراجعة وامتحان

اميره

اميره
عضو ذهبي


حاضر ان شاء الله ساحاول اعمل امتحان يلا روحى على الحائط وارفعى يديك فوق (هههههههههه)

النهارده هتكلم معاكم ياكتاكيت وكتكوتات عن صيغة الاستفهام دروس المستوى الاول للغه الانجليزيه Thnk0001question formula
ازاي نكون سؤال كتركيبه بسيطه لأن طبعا التركيبات المعقده هناخد جزء منهاباذن الله في آخر المستوى الأول
أول ما أفكر في السؤال لازم أفكر الأول في أداة الاستفهام
ايه أدوات الاستفهام المعروفه؟؟؟؟؟
why? بمعنى لماذا للسؤال عن السبب
when? بمعنى متى للسؤال عن الزمان
where? بمعنى أين للسؤال عن المكان
who? بمعنى من للسؤال عن الشخص العاقل
which? بمعنى أيهما للسؤال عن شئ محير
what ؟ بمعنى ما أو ماذا للسؤال عن غير العاقل
how? بمعنى كيف للسؤال عن كيفية
دي الأدوات الأساسيه فيه بى بعض الأدوات المشتقه منها زي
how much ? للسؤال عن الكم وأحيانا للسؤال عنالسعر اذا جاء كلمة costمعها
how long للسؤال عن المسافه أو الفتره الزمنيه
how old ? للسؤال عن العمر
whose ? للسؤال عن الملكيه أو عن مالك الشئ
دي أدوات الاستفهام المستخدمه في اللغه الانجليزيه
نعرف بقى ازاي نكون سؤال
صيغةالسؤال البسيطه بتتكون من
أداة استفهام ......>يليها فعل مساعد أو فعل ناقص .........>يليها الفاعل أو المستفسر عنه .....>يليه الفعل الأساسي ان وجد
ناخد مثال يبسطلناالموضوع شويه
لو عاوزين نسأل عن عمر انسان هنقول ايه ؟؟؟؟؟؟؟؟؟؟
how old are you ?
طيب لو عاوزين نسأل هو عامل ايه ؟؟؟؟؟
how are you?????بمعنى كيف حالك
نلاحظ في الأمثله اللي قلناها الفعل المساعد هوالفعل الأساسي في السؤال لوماكانش ينفع نزود فعل مساعد تاني يمكن دي من الحالات القليله جدا اللي بيكون فعل واحد هو الفعل المساعد والأساسي في صيغة الاستفهام
في حاله تانيه وهي الاستفهام عن الملكيه او السؤال عن مالك الشئ وفي الحاله دي ترتيب الصيغه بيختلف لأننا بنسأل عن الفاعل أو المالك فبيكون موجود أولا أداة الاستفهام يليها المستعلم عنه " الشئ اللي عاوزين نعرف صاحبه" يليه فعل مساعد غالبا verb to be يليه اسم اشاره
example :
whose book is this?
نوع كمان من صيغ الاستفهام لما تكون أداة الاستفهام بمعنى من للعاقل who ? في الحاله دي بنستخدم الفعل مباشرة في زمن حدوثه بعد أداة الاستفهام
example :
who made this cake? من صنع هذه الكعكه ؟؟ نلاحظ أداة الاستفهام يليها الفعل الأساسي بزمن حدوثه يليه المفعول به
لكن الغالبيه أن بيكون موجود الفعل المساعد والفعل الأساسي
ناخد أمثله توضح كلامنا؟؟؟؟؟؟؟؟
ناخد
why do you spend your money in such staffs????انت ليه بتصرف أموالك في الأشياء دي
what will you do this summer holiday??????هتعمل ايه في أجازة الصيف لهذا العام
شايفين الأمثله بتحتي على أداة الاستفهام ......فعل مساعد أو فعل ناقص ......فاعل أو مستفسر عنه أو منه .........الفعل الأساسي .......وبعد كده كماليات الجمله بقى من حرف جر واسم مجرور أو أي شئ أخر
دي ببساطه صيغة الاستفهام واللي هتحتاج باذن الله بعض التمرين عليها + بعض المحادثات لتمرين المخ على تركيب الجمل
وده اللي هنعمله باذن الله في الدرس الجاي اللي هيكون عن المحادثات

الاميرة السعيدة

الاميرة السعيدة
عضو نفتخر به



جميل انا بحب المحادثات بفهم منها اكتر
على العموم هو كل الى فهمته من فوق مين الى عمل الكيك
ممكن اعرف مين واذوق واقول الاول
(شهادة لله مجهود جميل لك فى تعليم اللغات)

احمد محمود

احمد محمود
مشرف


طول عمرى عقدتى الانجليزى ممكن براحة

اميره

اميره
عضو ذهبي


حاضر ان شاء الله لا يوجد تعقيد واريد كل من لديهم عقده يشلوا هذا التفكير حتى يستقبل اكثر ويحاول ان يقنع نفسه انها دراسه سهله تحتاج لصبر وبعض الوقت ومع الوقت تكمن الاجاده

اميره

اميره
عضو ذهبي


:السلام عليكم:
ازيكم
انشالله تكونوا بألف خير

ايه رأيكم ناخد دلوقتي راحه صغيره مع مجموعه من المحادثات البسيطه أو المواقف




1- في حالات المقابله أول مره
لو فرضنا انك قابلت حد من السياح هتقوله ايه وهيرد يقولك ايه
ملحوظه: الحوارات دي مواقف جايز معنى السؤال حرفيا مايديناش المقصود منه لكن هي معروف في اللغه الانجليزيه كده
خلينا نشوف أول حوار لو انت قابلت سائح Tourist
أهلاyou : Hello
أهلاtourist : hello
you: how do you do؟ كيف حالك
أنا بخير كيف حالك أنتtourist : I'm fine & what about you ?
ملحوظه " تقال how do you do في المقابله الأولى فقط بينما في المقابلات التاليه how are you ? "

أنا بخير ايضا من أين انت او مابلدك ؟you : I'm fine too, where are you from?
tourist : England انجلترا
" ملحوظه حاليا تختصر قديما كانت الاجابه I'm from England لكن حاليا تختصر لاسم البلد فقط في الدبلومه الحديثه"
you : pleased to meet you انا سعيد بمقابلتك
ملحوظه " قديما كانت تقال I'm pleased to meet you حاليا لا يذكر الضمير لمعرفتهلأن انت اللي بتكلمه مش معقوله هيكون حد تاني اللي سعيد يعني
وانا ايضا tourist : me too

لو فرضنا أنك هتنهي المحادثه على كده فخلاص هتسلم وتمشي
ألقاك على خير you : good bye
tourist : good bye
لو بقى انت فاضي وبتسلي وقتك وعاوز تفتح مع السائح مجال للحوار
هل سبق وزرت مصر من قبل ؟you : did you visit Egypt before?
نعم زرتها ثلاث مرات من قبل tourist: yes I did , I came three times before
او لا هذه زيارتي الاولى or , no I didn't . it's my first time
اتمنى ان تستمتع بزيارتك لمصر you : I hope you enjoy your visit to Egypt
شكرا انا واثق انني سأفعل يعني اكيد tourist : thanks I'm sure I'll
او شكرا اتمنى ذلك ايضا " ياااريت" أحسن هيضربنا بفلوسه دروس المستوى الاول للغه الانجليزيه 11azyor
thank you , I hope so too
وممكن تكتفي بكده وتسلم زي المره اللي فاتت وتمشي
أو بقى تتعرف أكتر وده اللي هوضحه بعد شويه ان شاء الله

الرجوع الى أعلى الصفحة  رسالة [صفحة 1 من اصل 2]

انتقل الى الصفحة : 1, 2  الصفحة التالية

مصراوي للإلكترونيات وخدمات الصيانة » المكتبة الإلكترونية »    مكتبــــــــة مصراوي للإلكترونيات » دروس المستوى الاول للغه الانجليزيه

صلاحيات هذا المنتدى:
لاتستطيع الرد على المواضيع في هذا المنتدى