الأحداث
أهم المنافذ في تليفزيونات HD الحديثة
HDMI – VGA – COMPONENT VIDEO – COMPOSITE VIDEO
S-VIDEO – DVI – HEADPHONE PORT
ورجعنا ليكم تاني بموضوع جديد مفيد جدا بتقدمه شركة آكت LCD المتخصصة في صيانة
شاشات الكمبيوتر LCD والتليفزيون البلازما و LCD TV للناس اللي معندهاش خلفية
عن المنافذ اللي موجودة في الشاشات PLASMA TV و التليفزيون إل سي دي
واللي بنلاقي منها أنواع وأشكال كتير مرصوصين تحت بعض .
ياتري إيه المنافذ دي ؟
سؤال مهم هانجاوب عليه ..... على بركة الله نبدأ.
1 – المنفذ HDMI
أحدث وأحسن منفذ ينقل صوت وصورة عالية الوضوح
وموجود تقريباً في كل التليفزيونات الحديثة HD TV
الأجهزة اللي بيتعامل معاها منفذ HDMI :
أجهزة كتير أوي والحديث منها زي اللاب توب و بلاي ستيشن 3 و اكس بوكس 360
والرسيفرات الجديدة الغالية اللي بتدعم HD و مشغلات البلوراي PLUE RAY
وبعض مشغلات الدي في دي DVD وغيرها من الأجهزة الحديثة .
وطبعا علشان توصل الريسيفر مثلا على التليفزيون هاتكون محتاج كابل يوصل بينهم
وهو كابل HDMI وخد بالك لما تشتري الكابل لأن الكابل ده أنواع في منه 720P
ومنه 1080P علشان كدة شوف إمكانيات الريسيفر والتليفزيون وبعد كدة اشتري الكابل.
وإحنا بنفضل كابلات (( راديوشاك )). لأنها بتكون كابلات جودتها عالية.
2 – منفذ VGA : وممكن يبقي مكتوب PC أو RGB أو D-SUB
وده من المنافذ المهمة أوي لأن منفذ VGA هو اللي بيخليك تشغل التليفزيون على الكمبيوتر
يعني التليفزيون اللي فيه المنفذ ده ينفع انه يشتغل تليفزيون وشاشة كمبيوتر كمان.
3 – منفذ كومبوننت فيديو COMPONENT VIDEO
منفذ مهم جدا مكون من خمس أقسام ينقل الصوت والصورة بجودة عالية من أي جهاز خارجي
مثل ريسيفر وقادر على نقل صوت وصورة وفيديو بدقة HD ومقارب لمنفذ HDMI في الأداء.
واغلب الأجهزة الخارجية زي الريسيفر أو غيره من الأجهزة الحديثة فيها
منفذ COMPONENT VIDEO
وطبعا للتوصيل على المنفذ ده هاتحتاج الكابل بتاعه.( كومبوننت كابل ).
4 – منفذ كومبوست فيديو COMPOSITE VIDEO
وده اللي إحنا بنقول عليه مخرج ( أوديو فيديو ) AUDIO/VIDEO
واغلبنا عندنا الكابل بتاعة لأنه بيستخدم كتير لما بنوصل الريسيفر على التليفزيون العادي CRT.
تقريباً كلنا عارفين المنفذ ده .
5 - منفذ S-VIDEO : إس فيديو
المنفذ ده بينقل الصورة من أجهزة تانية عن طريق الكابل بتاعه .
بس المنفذ ده مش هاتحتاجه إلا إذا كان عندك جهاز خارجي المنفذ بتاعه S-VIDEO هاتوصل الشاشة فيه .
غير كدة مش هايكون مهم .
6 – منفذ DVI
المنفذ ده عن طريقه تقدر توصل الكمبيوتر بالتليفزيون زي منفذ VGA
لكن اللي بيميز DVI انه ممكن يعرض صور وأفلام عالية الجودة
وقريب من منفذ HDMI يعني نقدر نقول انه بين VGA و HDMI .
ومش كتير بيكون موجود في التليفزيونات ولو مش موجود في التليفزيون الجديد HD مش مشكلة ..
منفذ VGA ومنفذ HDMI يقوموا بالغرض.
7 – منفذ سماعة الرأس : HEADPHONE PORT
المنفذ ده مهم علشان لو عايز تتفرج على حاجة وتسمع لوحدك عن طريق سماعات الآذن ( الهاندفري ).
لو حد فينا بيتفرج على التليفزيون والناس في البيت نايميين ومش عايزين إزعاج .
ساعتها المنفذ ده يخليك تستعمل HEADPHONE وماحدش يزعل منك.
كدة كل واحد شاف الموضوع ده يـبص كويس في الريسيفر بتاعه والكمبيوتر
وكل الأجهزة اللي هايوصلها على الشاشة
ويشوف إيه المنافذ اللي هايحتاجها في شاشته أو تلفزيونه الجديد HD
HDMI – VGA – COMPONENT VIDEO – COMPOSITE VIDEO
S-VIDEO – DVI – HEADPHONE PORT
ورجعنا ليكم تاني بموضوع جديد مفيد جدا بتقدمه شركة آكت LCD المتخصصة في صيانة
شاشات الكمبيوتر LCD والتليفزيون البلازما و LCD TV للناس اللي معندهاش خلفية
عن المنافذ اللي موجودة في الشاشات PLASMA TV و التليفزيون إل سي دي
واللي بنلاقي منها أنواع وأشكال كتير مرصوصين تحت بعض .
ياتري إيه المنافذ دي ؟
سؤال مهم هانجاوب عليه ..... على بركة الله نبدأ.
1 – المنفذ HDMI
أحدث وأحسن منفذ ينقل صوت وصورة عالية الوضوح
وموجود تقريباً في كل التليفزيونات الحديثة HD TV
الأجهزة اللي بيتعامل معاها منفذ HDMI :
أجهزة كتير أوي والحديث منها زي اللاب توب و بلاي ستيشن 3 و اكس بوكس 360
والرسيفرات الجديدة الغالية اللي بتدعم HD و مشغلات البلوراي PLUE RAY
وبعض مشغلات الدي في دي DVD وغيرها من الأجهزة الحديثة .
وطبعا علشان توصل الريسيفر مثلا على التليفزيون هاتكون محتاج كابل يوصل بينهم
وهو كابل HDMI وخد بالك لما تشتري الكابل لأن الكابل ده أنواع في منه 720P
ومنه 1080P علشان كدة شوف إمكانيات الريسيفر والتليفزيون وبعد كدة اشتري الكابل.
وإحنا بنفضل كابلات (( راديوشاك )). لأنها بتكون كابلات جودتها عالية.
2 – منفذ VGA : وممكن يبقي مكتوب PC أو RGB أو D-SUB
وده من المنافذ المهمة أوي لأن منفذ VGA هو اللي بيخليك تشغل التليفزيون على الكمبيوتر
يعني التليفزيون اللي فيه المنفذ ده ينفع انه يشتغل تليفزيون وشاشة كمبيوتر كمان.
3 – منفذ كومبوننت فيديو COMPONENT VIDEO
منفذ مهم جدا مكون من خمس أقسام ينقل الصوت والصورة بجودة عالية من أي جهاز خارجي
مثل ريسيفر وقادر على نقل صوت وصورة وفيديو بدقة HD ومقارب لمنفذ HDMI في الأداء.
واغلب الأجهزة الخارجية زي الريسيفر أو غيره من الأجهزة الحديثة فيها
منفذ COMPONENT VIDEO
وطبعا للتوصيل على المنفذ ده هاتحتاج الكابل بتاعه.( كومبوننت كابل ).
4 – منفذ كومبوست فيديو COMPOSITE VIDEO
وده اللي إحنا بنقول عليه مخرج ( أوديو فيديو ) AUDIO/VIDEO
واغلبنا عندنا الكابل بتاعة لأنه بيستخدم كتير لما بنوصل الريسيفر على التليفزيون العادي CRT.
تقريباً كلنا عارفين المنفذ ده .
5 - منفذ S-VIDEO : إس فيديو
المنفذ ده بينقل الصورة من أجهزة تانية عن طريق الكابل بتاعه .
بس المنفذ ده مش هاتحتاجه إلا إذا كان عندك جهاز خارجي المنفذ بتاعه S-VIDEO هاتوصل الشاشة فيه .
غير كدة مش هايكون مهم .
6 – منفذ DVI
المنفذ ده عن طريقه تقدر توصل الكمبيوتر بالتليفزيون زي منفذ VGA
لكن اللي بيميز DVI انه ممكن يعرض صور وأفلام عالية الجودة
وقريب من منفذ HDMI يعني نقدر نقول انه بين VGA و HDMI .
ومش كتير بيكون موجود في التليفزيونات ولو مش موجود في التليفزيون الجديد HD مش مشكلة ..
منفذ VGA ومنفذ HDMI يقوموا بالغرض.
7 – منفذ سماعة الرأس : HEADPHONE PORT
المنفذ ده مهم علشان لو عايز تتفرج على حاجة وتسمع لوحدك عن طريق سماعات الآذن ( الهاندفري ).
لو حد فينا بيتفرج على التليفزيون والناس في البيت نايميين ومش عايزين إزعاج .
ساعتها المنفذ ده يخليك تستعمل HEADPHONE وماحدش يزعل منك.
كدة كل واحد شاف الموضوع ده يـبص كويس في الريسيفر بتاعه والكمبيوتر
وكل الأجهزة اللي هايوصلها على الشاشة
ويشوف إيه المنافذ اللي هايحتاجها في شاشته أو تلفزيونه الجديد HD
